Novas

 PLAN CULTURAL DO CONCELLO DE CERDEDO-COTOBADE 2017

 

Aberto o prazo de inscrición para o Plan Cultural Municipal

Aberto inclusión de grupos dende o 08 de marzo ata o 07 de abril de 2017

Conovocatoria descarga doc

 

Documentación dispoñible:

Comprobante de actuación-grupos descarga doc
Solicitude de inclusión no Plan Cultural-grupos descarga doc
Solicitude de actuación no Plan Cultural para Comisións de Festas descarga doc

 

 

 

Quen composta,paga menos

 

Chega a recompensa por compostar na casa os restos de comida.

 

O Concello de Cerdedo-Cotobade, a través da Oficina municipal de Medio, xa comezou os trámites co ORAL para recompensar aos participantes no proxecto piloto de compostaxe posta en marcha no antigo termo municipal de Cerdedo.


Co obxectivo de incentivar a separación en orixe de residuos, o Concello considerou premiar aos veciños que se esforzan por reciclar e colaborar coa redución de residuos desde as súas casas a través da bonificación da taxa de lixo.
Así, tal como está regulado na ordenanza fiscal vixente no antigo Concello de Cerdedo, establécese unha bonificación de 10 euros no importe do recibo para aqueles veciños que participen no proxecto de compostaxe establecida no concello e sempre que cumpran os requisitos e obrigacións do mesmo.

Dentro dos requisitos para poder optar á bonificación era asistir á sesión formativa organizada polo Concello e facilitar as tarefas de seguimento a través das visitas casa por casa para revisar o uso do compostero e resolver dúbidas para mellorar o proceso.
Tras o seguimento realizado ao longo do ano 2016, a Oficina Municipal de Medio enviou ao ORAL a lista de usuarios de Cerdedo que cumpriron con estes requisitos para que proceda á redución de 10 euros do recibo de lixo correspondente ao ano 2016.


Esta fiscalidade positiva enmárcase no obxectivo de « facer máis xusta a xestión de residuos e tender ao criterio de quen contamina paga». Así, o Concello quere recoñecer o esforzo e colaboración dos veciños.

Comunícase a todos os provedores os códigos DIR3 de FACE da nova entidade Concello de Cerdedo-Cotobade, activos dende o 15.02.2017.
 
Descarga aqui, descarga doc

 

Balance inicial do convenio con Arroupa, firma dependente da fundación diocesana

Cerdedo-Cotobade recolle preto
de 800 quilogramos de roupa usada nun só mes a prol de Cáritas

  • O municipio conta con tres contenedores para depósito de vestimenta no CEIP de Tenorio, o punto limpo e o aparcadoiro público de Cerdedo
  • A iniciativa, posta en marcha pola oficina de Medio Ambiente, pretende facilitar roupa a familias con poucos recursos e reducir os residuos

15 de febreiro de 2017.- O Concello de Cerdedo-Cotobade recolleu un total de 772 quilogramos de roupa usada no primeiro mes de funcionamento do seu novo servizo de recollida de vestimenta, posto en marcha en colaboración coa empresa Arroupa, dependente da Fundación Cáritas Diocesana de Santiago de Compostela.

O convenio asinouse a finais de novembro e permitíu a colocación de tres contenedores de roupa usada no municipio. Os puntos de depósito de roupa recolleron 251,50 quilogramos no CEIP de Tenorio, 151,50 no punto limpo municipal e 369 no aparcadoiro público de Cerdedo, respectivamente. Deste xeito, o arranque da actividade pode considerarse moi exitoso, xa que a súa proxección anual suporía a retirada de máis de 9.200 quilogramos de roupa usada, aínda que se confía en que a cantidade se incremente a medida que o servizo comece a ser aínda máis coñecido entre a veciñanza.

Esta iniciativa, que está impulsada pola oficina de Medio Ambiente, conta con dous obxectivos, que pasan polo aforro de custes no tratamento de residuos ao reducir o depósito de prendas nos contenedores xenéricos de lixo orgánico e, sobre todo, o feito e facilitar roupa en bo estado a familias con poucos recursos económicos.

O Concello optou pola firma Arroupa, que se encarga da recollida da roupa e do mantemento dos contenedores, como vía de xestión para a roupa e téxtiles usados porque se trata dunha empresa de economía social, dedicada á reciclaxe e posta en valor da roupa usada, que dá traballo a persoas nunha situación de marxinación.

Os veciños poden depositar nestes colectores roupa, calzado, bolsos e téxtiles como mantas. As prendas en boas condicións serán ofertadas a familias e colectivos que precisen de axuda social, mentres que as inservibles serán enviadas a centros axeitados para a súa reciclaxe. Para aproveitar ao máximo os colectores e facilitar a xestión, desde o Concello pídese que a roupa se deposite neles en bolsas e –preferentemente– dobrada.

03.02.2017  LISTADO DE ADMITIDOS E EXCLUIDOS no proceso selectivo no nomeamento temporal de dous funcionarios interinos integrados na escala de Administración especial; subescala de servizos especiais; persoal de oficios; agrupacións profesionais; canteiros de construcción.

descarga doc

 

ORDE do 26 de decembro de 2016 pola que se establecen as bases reguladoras das axudas para paliar os danos producidos polo lobo e se convocan para o ano 2017.

 

Obxecto da axuda: Liña de axudas a favor dos/das titulares de actividades gandeiras afectados/as polos ataques do lobo ás reses das súas explotacións, coa finalidade de compensar os danos ocasionados no seu gando.

Beneficiarios: propietarios/as do gando que se especifica no anexo I e que foi afectado por ataques de lobos dentro da Comunidade Autónoma.

Ambito temporal: Esta orde comprende as axudas para os danos producidos polo lobo que se comuniquen desde o 1 de outubro de 2016 ata o 30 de setembro de 2017.

Para coñecer os requisitos, trámitación e baremación das axudas, descarga a convocatoriadescarga doc